Nola idatzi herrien izenak?

Irakurri arretaz ondoko esaldiak, ondo ahoskatzen saiatu eta esan bietatik zein dagoen ondo idatzita. Esaldiok telebistako zein irratietako informazio saioetan esateko moduan omen daude.

Egilea: Gorka J. Palazio. CC 3.0 lizentziapean (by-share alike). Euskal Herriko Unibertsitatea.

0.A- Al Gore estatubatuarrak, Luxenburgoko Dukerri Handia bisitatu ostean, Euskal Herriko bidea hartuko du mintzaldi bana emateko Bilbaon eta Gasteizen.
0.B- Al Gore estatubatuarrak, Luxemburgeko Dukerri Handia bisitatu ostean, Euskal Herrirako
bidea hartuko du mintzaldi bana emateko Bilbaon eta Gasteizen.

*A esaldia da ondo idatzita dagoena, Euskaltzaindiak ez du “Luxemburgeko” onartzen eta.

1.A- Zenbait manifestaldi jendetsu egin dira azken egunotan Kazakhstango Errepublikan
1.B- Zenbait manifestaldi jendetsu egin dira azken egunotan Kazajstango Errepublikan

*A esaldia da ondo idatzita dagoena, herri horren izena horrela idatzi behar baita.

2.A- Litekeena da Marokon edo Gambian izatea Aldaketa Klimatikoari buruzko datozen topaketak
2.B- Litekeena da Marokkon edo Ganbian izango dira Aldaketa Klimatikoari buruzko datozen
Topaketak

*A esaldia da ondo idatzita dagoena, herri izen hauek baitira Euskaltzaindiak onartzen dituenak.

3.A- Boliviar gutxi dira bertako hiru hizkuntzak, kitxua, aimara eta gaztelania alegia, menperatzen dituztenak.
3.B- Boliviatar gutxi dira bertako hiru hizkuntzak, kitxua, aimara eta gaztelania alegia, menperatzen dituztenak.

*Euskaltzaindiaren esanetan, A esaldia da ondo idatzita dagoena

4.A- Georgiako hiriburuan, Tbilisin alegia, euskaldunak non bizi diren eta georgiarrak eta
euskaldunak ahaideak izan daitezkeela dakite askok.
4.B- Georgiako hiriburuan, Tiflisen alegia, euskaldunak non bizi diren eta georgiarrak eta
euskaldunak ahaideak izan daitezkeela dakite askok.

*A esaldia da ondo idatzita dagoena, “Tiflis” gaztelerazko hitza delako. Euskaraz “Tbilis” esaten da.

5.A- Abkhaziarrak georgiarren senideak dira hizkuntza aldetik; osetiarrek, ostera, kurdoen
hizkuntzaren multzokoa dute mintzaira, senidetasunik gabekoa, alegia.
5.B- Abjaziatarrak georgiarren senideak dira hizkuntza aldetik; osetiarrek, ostera, kurdoen
hizkuntzaren multzokoa dute mintzaira, senidetasunik gabekoa, alegia.

*Hemen ere, A esaldia da zuzen dagoena.

6.A- Euskal arrantzaleek Seychelletako Errepublikara jo dute ezinbestean, itsas-piraten beldur.
6.B- Euskal arrantzaleek Seitxelletako Errepublikara jo dute ezinbestean, itsas-piraten beldur.

*A esaldia da ondo idatzita dagoena, Euskaltzaindiak onartua delako; “Seitxelletako” hitza, ordea, ez.